29/04/2015

Nova Folla Informativa - Maio 2015

O BNG - Asembleas Abertas edita unha nova folla informativa (Nº 13 # Maio de 2015), que comezará a repartirse polas casas de Portas nos próximos días.

Despois de 23 anos de goberno de Roberto e o PP,
que temos en Portas?
Así gastaron os nosos cartos Roberto e o PP!



28/04/2015


Menú: empanada, polbo, churrasco, tarta xeada, bebida, café e licores.

Menú infantil adaptado segundo as necesidades.

Capacidade máxima: 200 comensais.

22/04/2015

O BNG-Asembleas Abertas de Portas propón a celebración de debates electorais abertos

O grupo, encabezado por Santi Carballo, convida aos candidatos do Partido Popular (PP), Víctor Estévez, e de Veciños Unidos de Portas (VUP), Roberto Vázquez, a celebrar un debate electoral aberto de cara á convocatoria do próximo 24 de maio.
A proposta do BNG-Asembleas Abertas contempla, ademais da celebración dun debate principal entre candidatos, outro que, por parroquias, confronte ao primeiro representante de cada candidatura.
O candidato á Alcaldía manifestou con contundencia o seu interese en debater, contando coa presenza dos veciños, as propostas electorais defendidas polos tres grupos posto que "en democracia nada é tan importante como a contraposición de ideas, propostas e programas".
Carballo e o seu equipo, que están abertos a calquera outro tipo de formato para a celebración do debate, agardan que tanto o PP coma o VUP acepten a invitación e se poida acordar unhas datas para os encontros ao considerar que "é un dereito que non se lle pode negar aos veciños".

21/04/2015

Pleno ordinario

O venres 24 de maio de 2015 ás 14:50 h. celebrarase un pleno ordinario na Casa do Concello coa seguinte orde do día:

  1. Aprobación acta sesión anterior.
  2. Coñecemento resolucións alcaldía.
  3. Expediente número 1. Recoñecemento extraxudicial de créditos.
  4. Formación mesas electorais. Sorteo eleccións locais 2015.
  5. Rogos e preguntas.
Un mes despois de aprobar os orzamentos de 2015, preténdese aprobar un novo recoñecemento extraxudicial de créditos despois do xa aprobado o 29 de agosto de 2014. Falta de rigor e desprezo pola democracia.

Unha definición curta e simple de "recoñecemento extraducial de crédito" é "o mecanismo legal para pagar facturas polas que se contraíron obrigas sen consignación orzamentaria", ou en linguaxe máis común: "mecanismo para pagar facturas no caixón de cousas ou servizos que o alcalde mandou comprar pero sen ter os cartos para pagalas".

Como é habitual, se alguén quere trasladarlle ao Pleno algún rogo ou pregunta, estamos á vosa enteira disposición.

10/04/2015

Candidatura de BNG - Asembleas Abertas de Portas para as eleccións municipais 2015

Titulares:

  1. Santiago Carballo Mourón.
  2. Arturo Norberto Fontán Pérez.
  3. María Teresa Rivas Buceta.
  4. Susana Mosquera Mosteiro.
  5. Rafael Ruibal Pereira.
  6. Xoán Xosé Constenla Novoa.
  7. María Isabel Fojo Pardal.
  8. Rosa Castroagudín Costas.
  9. Julia Tarrío Gens.
  10. Rubén Darío Piñeiro Figueiras.
  11. José Manuel Abalo Rivas.
Suplentes:

  1. Lino Ruibal Pereira.
  2. Manuel González Sabarís.
  3. María Esther Ares Vázquez.
  4. Ana Flores Lodeiro.
  5. Gonzalo Bemposta Rosende.
  6. María Soledad Fariña Vázquez.
  7. Josefa Castro Chaves.
  8. Juan Manuel López Barreira.
  9. Luis Cayo Alfonso Leste.
  10. Eligio Mandayo Carballo.


09/04/2015

O BNG - Asembleas Abertas de Portas busca a implicación veciñal para a elaboración do programa electoral

O grupo celebrará actos públicos nas catro parroquias do municipio para escoitar as achegas e inquedanzas dos veciños e incluílas dentro do seu programa de traballo de cara ás eleccións municipais. A primeira cita fixouse para o venres día 10 en Lantaño ás 21.00 horas, sendo o lugar de reunión o Teleclube.

Á mesma hora, pero ao día seguinte (sábado 11), terá lugar no Albergue de Briallos o segundo dos actos. En Romai o encontro terá lugar no Teleclube o domingo 12 ás 12.00 horas e, por último, estes debates concluirán o sábado 18 ás 21.00 horas na Casa da Cultura de Portas.

Santi Carballo, candidato do BNG - Asembleas Abertas á Alcaldía, explicou que a principal finalidade destes actos é "implicar á cidadanía nos temas municipais" e "instaurar a democracia dende a base".

Algúns veciños xa comezaron a facer as súas propostas como serían as de reducir o soldo do alcalde ou a aposta pola eficiencia enerxética, renovando as instalacións de alumeado público a través dun contrato de servizos enerxéticos.





01/04/2015

Nova Folla Informativa - Abril 2015

O BNG - Asembleas Abertas edita unha nova folla informativa (Nº 12 # Abril de 2015), que comezará a repartirse polas casas de Portas nos próximos días.

O cambio necesario dende a esquerda
Un goberno para Portas dende Portas!